El Espiritualidad y Saber....Un Serioso Conciencia
(un translation ya saka na introduksyon del Pantas'97)
Perre Ian T. Dela Cruz
(un translation ya saka na introduksyon del Pantas'97)
Perre Ian T. Dela Cruz
El conciencia del un gente ta esta na di suyo entero pagka-gente, na maga cosas le ta cree pati na di suyu pilosopiya na vida. Mientras ta experiencia ele el correda del tiempo, ele ta busca maga explanacion na di suyo alrededor para comprende ele y para tamen puede ase comprende na otro gente. Na otro manera tambien, puede le construhi maga personal espiritualidad y ta puede ele ase entende na di suyo maga companiero y maga amigo si cosa el di suyo maga entencion y maga cosas ele ta cree na vida. Porezo gane el espiritualidad y saber del un gente amo el fuerza que ta construhi di suyu consciencia para queda un gente responsable y moral na lugar que ta puede ele ase movimiento.
Amo gane kay el maga cosas que ele ta cree, pati ya el di suyo pilosopiya amo el haramienta del di suyo conciencia donde ta queda camino del di suyo transformacion para tiene cambio na di suyo pagka-gente: para servi y queda el fundacion del di suyo comunidad. Este consciencia hende lang puro que centro na razon para ase maga mirada na vida conde este un ondo y mafuerza maga otro-otro idelohiya y maga las cosas que ele ta cree. Y si este maga experiencia queda unido na camino para construhi un integral personalidad, este ay queda di suyo serioso consciencia.
